Aðalmeðferð í máli gegn fjórum ungmennum vegna morðsins á Bartlomiej Kamil Bielenda hefst þann 4. október næstkomandi, við Héraðsdóm Reykjaness, og stendur næstu þrjá daga. Fjögur ungmenni á aldrinum 17 til 19 ára eru ákærð en þar sem þrír af fjórum sakborningum eru undir 18 ára aldri er þinghald og nöfn sakborninga hafa verið strokuð út úr ákæru.

Um er að ræða þrjá pilta og eina stúlku. Piltarnir eru ákærðir fyrir manndráp en stúlkan fyrir brot gegn lífi og líkama, með því að ekki komið Bartlomiej til hjálpar með nokkrum hætti. Sparkað var í Bartlomiej þar sem hann lá á bílaplaninu fyrir utan Fjarðarkaup, og stappað á höfði hans. Ennfremur stakk einn hinna ákærðu hann ítrekað með hnífi í búkinn. Hann hlaut sex stungusár, fjögur í bak, eitt ofarlega í vinstri upphandlegg og eitt fyrir neðan vinstra brjóst, sem náði inn í hjarta.

Bartlomiej var 27 ára. Hann lætur eftir sig eiginkonu og  tveggja ára dóttur. Krafist er miskabóta fyrir hönd eftirlifandi eiginkonu upp á fimm milljónir króna auk útfararkostnaðar. Sömu miskabótafjárhæðar er krafist fyrir hönd dótturinnar. Þá er krafist skaðabóta fyrir hennar hönd vegna missis framfærslu upp á rúmlega 8,1 milljóna.

Bótakrafa í heild er um 20 milljónir króna.

Búast má við að dómur falli í málinu um mánaðamótin október/nóvember.