Stefán Ey­steinn Sig­urðsson, fram­kvæmda­stjóri og fyrr­um útvarpsmaður á FM957, varð bráðkvaddur á heimili sínu sunnudaginn 16. júlí, 51 árs að aldri. Útför­ hans fór fram frá Hafn­ar­fjarðar­kirkju mánu­dag­inn 31. júlí.

Stefán læt­ur eft­ir sig eig­in­kon­una Maríu Lovísu Árna­dótt­ur og tvö börn þeirra, Töru Guðrúnu, 19 ára, og Sig­urð Leó, 16 ára.

Sjá einnig: Ásgeir Kolbeins minnist Stefáns vinar síns – Hvetur fólk til að styrkja börn hans

Stefán var vinamargur og er hans sárt saknað af fjölskyldu hans og öðrum ástvinum. Vinir fjölskyldunnar hafa stofnað hvatninga- og menntasjóð í minningu Stefáns fyrir börn hans. 

„Elsku Stebbi okkar hafði stóra drauma fyrir Töru og Sigga sinn og vildi að þau myndu ganga menntaveginn áhyggjulaus og upplifa eigin drauma um nám í útlöndum eins og hann og Maja gerðu hér áður í Arizona. Okkur ástvinum langar að hjálpa þeim og hvetja í þvi sem þau taka sér fyrir hendur í framtíðinni. Því höfum ákveðið að stofna hvatninga- og menntasjóð í minningu Stebba fyrir Töru og Sigga. Með fyrirfram þakklæti Kærleiksher Mæju og Stebba,“

segir í lýsingu sjóðsins, sem leikkonan Nína Dögg Filippusdóttir birti á Facebook.

„Við eigum svo sannarlega einstaka vini og sannan Kærleiksher. Elska ykkur svo heitt,“ segir María í athugasemd hjá Nínu.

Þeir sem vilja styrkja börn Stefáns geta lagt inn á neðangreindan reikning, sem er á nafni og kennitölu Maríu Lovísu eftirlifandi eiginkonu hans: 

Reikningur: 0301-26 – 013313
Kennitala: 180474-5019

Stefán og María stunduðu nám í kring­um alda­mót­in í Arizona í Bandaríkjunum. Í fram­haldi stofnuðu þau þar heim­ili og rekst­ur og fædd­ust börn þeirra í Banda­ríkj­un­um.

Stefán var út­varps­maður á FM957 um langt ára­bil og stýrði þar hinum vin­sæla þætti Ró­legt og róm­an­tískt. Árið 2021 stofnaði hann ásamt öðrum fyr­ir­tækið Gyna­MEDICA sem sér­hæf­ir sig í heilsuþjón­ustu fyr­ir kon­ur. Áður var hann fjár­mála­stjóri Wow air, CCP Games og starfaði sem end­ur­skoðandi í Banda­ríkj­un­um fyr­ir fyr­ir­tæki og stofn­an­ir.