Lögreglustjórinn á Suðurnesjum hefur tekið ákvörðun um loka Meradalaleið (öllu eldgosasvæðinu) upp að gosstöðvunum fram til kl.9 á laugardag 15. júlí en þá verður ákvörðunin endurskoðuð á fundi viðbragðsaðila. Þetta kemur fram í tilkynningu frá Almannavarnardeild ríkislögreglustjóra.
„Er það gert til að tryggja öryggi ferðamanna og viðbragðsaðila. Mikil mengun er á svæðinu og þá ekki síst vegna gróðurelda,“ segir í tilkynningunni.
Hvasst verður í dag og á morgun við gosstöðvarnar og vindátt óhagstæð göngufólki. Þá kemur fram að vegna aðstæðna sé ekki hægt að tryggja öryggi þeirra sem fara inn á svæðið og því er ákvörðunin tekin. „Þá hætta mjög margir sér inn á skilgreint hættusvæði og hundsa fyrirmæli viðbragðsaðila.“
