Í tilkynningu frá Lögreglunni á höfuðborgarsvæðinu kemur fram að karlmaður um fertugt hafi fyrr í dag verið, í Héraðsdómi Reykjaness, úrskurðaður í áframhaldandi gæsluvarðhald til 19. júlí á grundvelli almannahagsmuna að kröfu Lögreglunnar í þágu rannsóknar hennar á andláti karlmanns á fimmtugsaldri í Hafnarfirði um síðustu helgi.

Er maðurinn grunaður um að hafa orðið manni að fimmtugsaldri að bana í iðnaðarhverfi í Hafnarfirði aðfaranótt 17. júní síðastliðins.

Sjá einnig: Grunaðir um morð í Hafnarfirði – Tveir í haldi lögreglu

Sjá einnig: Mannslát í Hafnarfirði – Karlmaður í gæsluvarðhaldi

Sjá einnig: Á vettvangi morðsins í Hafnarfirði – Meðleigjandi grunaður um verknaðinn

Segir í tilkynningunni að rannsókn málsins miði vel, en ekki sé hægt að veita frekari upplýsingar að svo stöddu.