Óhætt er að fullyrða að um fátt sé meira rætt á samfélagsmiðlinum Twitter en ritdeilu Elon Musk, ríkasta manns heims og eiganda miðilsins, og Haraldar Inga Þorleifssonar, fyrrum starfsmanns Twitter. Eins og frægt varð keypti Twitter fyrirtækið, Ueno, sem Haraldur hafði byggt upp og í kjölfarið varð íslenski frumkvöðullinn starfsmaður samfélagsmiðlarisans.
Musk hefur staðið fyrir algjörri umbyltingu á starfsemi Twitter, sem deildar meiningar eru um hvort að sé til góðs eða ekki. Rétt fyrir síðustu mánaðarmót var síðan uppsagnarhrina hjá Twitter og varð Haraldur skyndilega var við að búið var að loka á hann í kerfum fyrirtækisins.
Haraldur spurði Musk síðan hreint út á Twitter-síðu sinni hvort að hann væri einfaldlega enn starfsmaður fyrirtækisins enda hefði yfirmaður starfsmannamála ekki getað staðfest það við sig. Óskaði hann eftir hjálp Twitter-samfélagsins við að vekja athygli Musk á málinu og varð að ósk sinni. Færslan hefur verið lesin 17 milljón sinnum af notendum forritisins og endurdeilt um 13 þúsund sinnum.
Dear @elonmusk 👋
9 days ago the access to my work computer was cut, along with about 200 other Twitter employees.
However your head of HR is not able to confirm if I am an employee or not. You’ve not answered my emails.
Maybe if enough people retweet you’ll answer me here?
— Halli (@iamharaldur) March 6, 2023
Athygli Musk var vakin og í kjölfarið hófust ótrúleg samskipti fyrir opnum tjöldum sem enn sér ekki fyrir endann á. Spurði Musk meðal annars Harald við hvað hann hafði unnið en Haraldur svaraði því á þá leið að hann gæti ekki tjáð sig um það á Twitter án þess að brjóta trúnað. Musk staðfesti þá að þeim trúnaði hefði verið aflétt og í kjölfarið taldi Haraldur upp verkefni sín fyrir samfélagsmiðlarisann.
Meðal annars vinnu við svokallaða Saas-samninga, sem að sögn Haraldar sparaði fyrirtækinu tugi millljóna, auk þess að stýra margvíslegum hönnunarverkefnum fyrirtækisins. Musk brást við upptalningunni með því að hlægja af íslenska frumkvöðlinum.
Í annarri færslu sakaði Musk síðan Harald um að hafa ekki unnið neitt af viti fyrir Twitter.
The reality is that this guy (who is independently wealthy) did no actual work, claimed as his excuse that he had a disability that prevented him from typing, yet was simultaneously tweeting up a storm.
Can’t say I have a lot of respect for that.
— Elon Musk (@elonmusk) March 7, 2023
Á meðan ritdeilunni stóð upplýsti Haraldur svo um að hann hefði fengið svar frá mannauðsstjóra Twitter sem að hefði staðfest að hann væri ekki lengur starfsmaður fyrirtækisins.
Virtist Haraldur sáttur við að fá það loks á hreint en spurði svo Musk lokaspurningar. „Næsta spurning er hvort að þú munir sjá til þess að ég fá borgað í samræmi við það sem mér er skuldað samkvæmt samningi? “
Now the next question is if you will make sure I get paid what I’m owed per my contract?!
— Halli (@iamharaldur) March 7, 2023
Greinilegt er að Haraldur telur að Musk muni komast hjá því að greiða það sem fyrirtækinu ber en auðkýfingurinn hefur ekki enn brugðist við spurningu Haraldar.
Eins og áður segir hafa samskiptin vakið mikla athygli í Twitter-samfélaginu. Upplifun notenda miðilsins er kannski best líst með þessum orðum eins netverja: „Þetta er sturlað. Af hverju ætti greyið maðurinn að þurfa að sanna virði sitt fyrir þessu skriðdýri.“
Wow. Just. Wow. pic.twitter.com/9JIekSfheK
— Scott Hanselman (@shanselman) March 7, 2023
I’m not going to lie, this is the most entertaining exit interview I’ve ever witnessed pic.twitter.com/6OfjuGNIiC
— Alex Cohen (@anothercohen) March 7, 2023
