Núna um klukkan 13:00 lentu saman þrír bílar í harkalegum árekstri á gatnamótum Þorlákshafnarvegar og Eyrarbakkavegar.
Vísir greindi fyrst frá.
Engin slys urðu á fólki en eins og sést á mynd frá vettvangi eru bílarnir mikið skemmdir. Er slökkvilið enn á vettvangi að hreinsa upp brakið.
Alvarleg slys hafa áður orðið á þessum gatnamótum og sumir heimamenn hafa bent á að þau séu beinlínis hættuleg. Meðal annars keyrði bandarískur ferðamaður bílaleigubíl á bíl ungrar íslenskrar konu árið 2021 með þeim afleiðingum að hún stórslasaðist.
