Navalny afplánar nú fangelsisdóm fyrir að skipuleggja og fjármagna starfsemi öfgasamtaka. Í febrúar 2022 var hann dæmdur í níu ára fangelsi og í ágúst síðastliðnum bættust nítján ár við dóminn.
Kira Yarmish, talskona Navalny, segir að lögmenn hans hafi reynt að heimsækja hann á mánudaginn fyrir viku í fangelsið þar sem hann afplánar dóminn. Þegar þangað var komið fengu þeir skilaboð þess efnis að Navalny væri ekki þar. Hafa þeir ekki fengið upplýsingar um hvar hann er niðurkominn.
Stuðningsmenn Navalny segja að hann hafi verið fluttur á sjúkrahús fyrir skemmstu eftir að fallið í yfirlið í fangelsinu. Leikur grunur á að hann hafi lítið sem ekkert nærst síðustu vikur. Engar upplýsingar hafa hins vegar fengist um heilsu hans eða hvar hann er niðurkominn sem fyrr segir.
Vegna þessa hafa lögmenn hans miklar áhyggjur af heilsu hans en Navalny átti að mæta fyrir dóm í gær en ekkert varð af því.
