Karlmaður var stunginn með hnífi í Reykjavík í nótt. Þetta staðfesti Grímur Grímsson, yfirlögregluþjónn, í samtali við RÚV. Sá slasaði er ekki í lífshættu en rannsókn málsins er á byrjunarstigi. Handtökur hafa átt sér stað en lögregla óviss hvort að meintur gerandi sé einn þeirra sem í haldi.
RÚV hefur heimildir fyrir því að árásin hafi átt sér stað í Grafarholti og að hún tengist stunguárás sem átti sér stað í fangelsinu á Litla-Hrauni í gær, sem og skotárás í Úlfarsárdal í síðasta mánuði.
Grímur sagðist ekki geta staðfest tengsl málanna en tók þó fram að lögregla er með sérstakan viðbúnað vegna aukinnar tíðni árása. Áhyggjur séu af erjum milli hópa og viðbúnaður í samræmi við það.
DV fékk ábendingu um að viðbúnaður lögreglu í Grafarholti sé nokkur nú í morgunsárið og meðal annars búið að loka Reynisvatnsásnum og er umferð beint annað.
Maðurinn sem er grunaður um að hafa stungið samfanga sinn ítrekað á Litla-Hrauni í gær er Ingólfur Kjartansson sem nýlega hlaut átta ára fangelsisdóm fyrir skotárás með þrívídda prentaðri byssu. Sá sem fyrir árásinni varð situr á Litlta-Hrauni grunaður um að bera ábyrgð á skotárás í fjölbýlishúsi í Úlfarásdal nýlega.
Sjá einnig:
Ingólfur grunaður um hnífsstungu á Litla-Hrauni – Sagðist vera hættur í glæpum
