Í tilkynningu frá lögreglu kemur fram að skotið hafi verið á karlmann við hús í hverfinu og var hann fluttur á Landspítalann til aðhlynningar. Líðan mannsins er eftir atvikum, en hann er ekki í lífshættu að sögn lögreglu. Árásarmaðurinn fór hins vegar af vettvangi og er hans nú leitað.
„Rannsóknin er á frumstigi og því er ekki með öllu ljóst hvað bjó að baki árásinni, en grunur er um að hún tengist útistöðum tveggja hópa.“
Að sögn lögreglu liggur fyrir að nokkrum skotum var hleypt af á vettvangi og hafnaði eitt þeirra í manninum eins og áður sagði. „Annað skot hafnaði enn fremur í íbúð fólks, sem er með öllu ótengt málinu,“ segir lögregla.
