Heilbrigðisyfirvöld á Gaza-ströndinni segja að yfir 8.000 manns hafi látið lífið í árásum Ísraelshers hingað til, meirihluti þeirra konur og börn. Yfir 20 þúsund eru sagðir hafa særst. Árásirnar hafa farið stigvaxandi enda „annað stig“ aðgerðanna hafið af fullum þunga eins og Benjamin Netanyahu, forsætisráðherra Ísraels, orðaði það. Þessi fjöldi látinna á sér engin fordæmi í sögu átaka Ísraels og Palestínu og sama gildir um þá 1.400 einstaklinga sem hafa látist Ísraelsmeginn. Flestir þeirra í árásum Hamas þann 7. októbert síðastliðinn sem kveikti eldinn í púðurtunnunni.

Lítið hefur verið um að hjálpargögnum sé hleypt inn á svæðið en í gær fengu á fjórða tug vörubíla að keyra inn á Gaza frá Egyptalandi með  vatn, mat, lyf og ýmsar nauðsynjar. Það var þó aðeins dropi í hafið miðað við þá brýnu þörf sem er á svæðinu. Örvæntingafullir íbúar Gaza brutust meðal annars í vörugeymslu til að nálgast nauðsynjarnar enda fer hungur og örvænting íbúa vaxandi.

Fjarskiptasambandi við Gaza var aftur komið á í gær eftir að einn öflugasta loftárás Ísraelshers til þessa sló út fjarskiptasamband seint á föstudag.

Karim Khan, yfirsaksóknari hjá Alþjóðlega sakamáladómstólnum, lýsti því samtali við Mirror að hann hefði ekki fengið að fara yfir til Gaza en að þjáningar íbúa væru gríðarlegar. „Þetta er afar sorglegir dagar,“ sagði Khan, sem hefur rannsakað framferði stríðandi fylkinga síðan árið 2014.

Búist er við að Saudi-Arabía, eina arabaríkið með sæti í Öryggisráði Sameinuðu þjóðanna, muni leggja fram binandi tillögu þess efnis að gert verði mannúðarhlé á árásunum í Gaza. Óvíst er hvernig tekið verður í tillöguna en fyrr í mánuðum beittu Bandaríkin neitunarvaldi sínu gagnvart drögum að slíkri tillögu.