Morgunblaðið hefur eftir henni að þeir sem fordæma ekki hryðjuverkasamtökin Hamas séu augljóslega með vafasamar skoðanir um gyðinga. Í þessu sambandi nefndi hún sérstaklega Hjálmtý Heiðdal, formann félagsins Ísland-Palestína (FÍP).
Hún sagði að formaður FÍP hafi hitt leiðtoga Hamas 2010 og 2014, þegar átök stóðu yfir á Gaza, hafi hann sagt við fjölmiðla að hann vonaðist eftir sigri hryðjuverkasamtakanna Hamas og íslamsk jíhads.
Þegar Morgunblaðið leitaði til Hjálmtýs sagðist hann ekki vilja fordæma Hamas en sagðist fordæma öll morð.
„Það segir mikið um þig ef þú getur ekki fordæmt hryðjuverkasamtök sem fremja svona hryðjuverk gegn saklausu fólki og kúga sína eigin borgara. Þau slátruðu yfir þúsund manns, hvers konar mannréttindi eru það?“ sagði Sharon og bætti við að hún viti að Íslendingum sé mjög annt um mannréttindi og þá sem minna mega sín.
Það veki hins vegar áhyggjur af að fólk sé reiðubúið til að styðja Hamas sem séu hryðjuverkasamtök og það séu mistök að halda að samtökin berjist fyrir auknum réttindum Palestínumanna.
