Samkvæmt tilkynningu Matvælastofnunar hefur hún kært tvo bændur á Norðurlandi vestra til lögreglu fyrir að hundsa fyrirmæli yfirdýralæknis.

Segir í tilkynningunni að bændurnir tveir hafi neitað að afhenda stofnuninni kindur sem þeir höfðu fengið frá nágrannabæ en á þeim bæ hafi allt fé verið skorið niður vegna riðusmits.

Það er álit stofnunarinnar að með synjun sinni stofni bændurnir sem umræðir ekki aðeins heilsu dýra sinna í hættu heldur einnig heilsu sauðfjár í eigu annarra þ.e. fjár sem hefur samgang við þeirra fé.

Enn fremur kemur fram í tilkynningunni að samkvæmt dýrasjúkdómalögum er refsivert að brjóta gegn fyrirmælum gefnum samkvæmt lögum.