Tveir menn voru fluttir á Landspítalann í kjölfar sjóslyss út af Njarðvíkurhöfn í kvöld. Neyðarlínunni barst tilkynning um slysið kl.19.39 og voru viðbragðsaðilar lögreglu, sjúkraliðs, Landsbjargar ásamt og þyrlu Landhelgisgæslunnar kallaðir til, samkvæmt tilkynningu frá lögreglu og var búið að ná mönnunum úr sjónum um klukkan 20:11, eða rúmum 32 mínútum eftir að tilkynningin barst.
Báðir mennirnir voru fluttir á slysadeild Landspítalans í Fossvogi. Segir í tilkynningu lögreglu að ekki sé unnt að greina frá ástandi aðilana að svo stöddu og ekki verða veittar frekari upplýsingar að sinni.
