Lögreglan á Suðurlandi hefur lagt kröfu fyrir Héraðsdómi Suðurlands, vegna rannsóknar á andláti konu á þrítugsaldri sem fannst látin í heimahúsi á Selfossi síðdegis í gær, að tveir karlmenn sem handteknir voru á vettvangi í gær verði úrskurðaðir í gæsluvarðhald í eina viku. Þetta kemur fram í tilkynningu frá lögreglunni á Suðurlandi.

Mennirnir eru báðir á þrítugsaldri. Grunur er um að andlát konunnar, sem er á þrítugsaldri, hafi borið að með saknæmum hætti.

Tilkynning um andlátið barst lögreglu um kl. 15.30 í gær og er rannsókn málsins á viðkvæmu stigi. Vegna rannsóknarhagsmuna getur lögregla ekki veitt frekari upplýsingar um málið.

Sjá einnig: Konan sem lést á Selfossi í gær var á þrítugsaldri