Ef áætlanir Vladímír Pútíns, Rússlandsforseta, ná fram að ganga þá verður Moldóva aðskilin frá Vesturlöndum og tengd Rússlandi á öllum opinberum sviðum árið 2030 í síðasta lagi. Þetta kemur fram í rússneskum leyniskjölum sem var lekið frá stjórn Pútíns.

Fyrir nokkrum vikum sökuðu stjórnvöld í Moldóvu rússnesk stjórnvöld um að undirbúa valdarán í landinu.

Í leyniskjölunum kemur fram að langtímamarkmið Pútíns sé að taka Moldóvu yfir með þróuðum blendingshernaði.

Skjöllunum var lekið til evrópskra og bandarískra fjölmiðla. Þetta er fimm síðna langt skjal þar sem áætlun Rússa er lýst. Það var unnið í samvinnu stjórnar Pútíns og leyniþjónustunnar.

Fyrir nokkrum vikum afhjúpuðu blaðamenn sömu fjölmiðla aðra áætlun Rússa um innlimum Hvíta-Rússlands í rússneska ríkjasambandið og á henni að vera lokið 2030.

Áætlun Pútíns gengur ekki út á að hernema Moldóvu eða innlima landið í rússneska ríkjasambandið. Hún gengur út að styðja og hvetja hópa, sem eru hliðhollir Rússum, stöðva aðlögun Moldóvu að ESB og NATÓ, stöðva samvinnuna við nágrannaríkið Rúmeníu og tengja Moldóvu við Rússland pólitískt, hernaðarlega, efnahagslega og hvað varðar aðföng.

Áætlunin var gerð vorið 2021 og er skipt niður eftir samfélagslegri uppbyggingu Moldóvu og tímaáætlun sem teygir sig fram til 2030, eins og áætlunin með Hvíta-Rússland.