Elísabet Jökulsdóttir, rithöfundur, er komin með nýtt nýra. Frá þessu greinir systir hennar, Unnur Þóra Jökulsdóttir, rithöfundur, á Facebook.

„Gleðitíðindi. Elísabet er komin með nýtt nýra. Læknirinn hringdi í hana á fimmtudaginn og spurði hvort mætti bjóða henni til Svíþjóðar. Við vorum komnar þangað á föstudagsmorgni og á aðfaranótt laugardags var grætt í hana gjafanýra. Allt gengur samkvæmt óskum, nýrað er strax farið að starfa: Elísabet biður kærlega að heilsa öllum“

Elísabet var með nýrnabilun á lokastigi, en hún steig fram í viðtali við Stundina í maí þar sem hún greindi frá því hvernig röð læknamistaka hefði valdið þeirri bilun. Greindi hún frá því hvernig ástandið væri að valda þrekleysi og þyrfti hún að sofa minnst 12 tíma á sólarhring.

Forsvarsmenn Landspítalans, Sjúkratrygginga og ríkislögmaður hafa gengist við því að brotið hafi verið á Elísabetu og hún orðið fyrir tjóni og sagði lögmaður hennar í samtali við Stundina að um mjög alvarleg mistök hafi verið að ræða, enda hafi ekki verið hlutað á Elísabetu þegar hún leitaði sér aðstoðar og einkenni hennar afskrifuð sem andleg veikindi.