Þann 17. janúar 2011 var fiskvinnslan Eyraroddi á Flateyri tekin til gjaldþrotaskipta eftir úrskurð héraðsdóms Vestfjarða. Nú tæpum tólf árum síðar er skiptum í búinu loks lokið en að sögn skiptastjóra var úrlausn málsins afar flókin.
Gjaldþrota fiskvinnslunnar var mikið áfall fyrir Flateyri en starfsmenn fyrirtækisins voru 42 talsins undir lokin en á þriðja hundruð manns bjuggu í bænum á þeim tíma. Félagið var stofnað til þess að styrkja byggðarlagið en ljóst var að reksturinn væri erfiður því lítill sem enginn kvóti var á bak við reksturinn og illa gekk að afla meiri kvóta. Þá reyndust tafir á úthlutun byggðarkvóta til félaginu erfiður.
Stjórn fyrirtækisins hafði í nokkurn tíma reynt að leita nauðasamninga til þess að halda rekstrinum áfram en það bar ekki árangur. Teitur Björn Einarsson, fyrrverandi þingmaður Sjálfstæðisflokksins og núverandi aðstoðarmaður ríkisstjórnarinnar, var stjórnarformaður fyrirtækisins en í tilkynningu þegar greint var á gjaldþrotinu sagði hann að um mikil vonbrigði væru að ræða.
Talsverða athygli vekur hversu langan tíma það tók að skipta búinu. Skiptastjóri búsins, Friðbjörn Eiríkur Garðarsson hæstaréttarlögmaður, segir að flækjustigið hafi verið mikið auk þess sem deilur og álitamál í kjölfar bankahrunsins hafi tafið úrlausn verulega.
„Í stuttu máli var bróðurparturinn af eignum búsins seldar tveimur aðilum en voru illskiptanlegar og töluverðan tíma tók að leysa úr þeim málum. Deilt var um lögmæti lána með gengistryggingu og mikil óvissa um þau mál öll sem tíma tók að fá á hreint. Þá var deilt um hversu víðtækur veðréttur veðhafa væri það er. Einkum í hvaða lausafjármunum veð væri í,“ segir Friðbjörn í skriflegu svari.
Alls voru lýstar kröfur í búið rúmar 402 milljónir króna. Samkvæmt úthlutunargerð greiddust að fullu búskröfur að fjárhæð kr. 1.447.104 og upp í veðkröfur kr. 174.504.085 og upp í forgangskröfur kr. 1.261.562. . Ekkert greiddist upp í almennar kröfur sem námu kr. 141.656.940 eða eftirstæðar kröfur sem námu kr. 220.344.
