Ingunn Lára Kristjánsdóttir og Oddur Ævar Gunnarsson fara yfir fréttir dagsins. Þar ber óveðrið hæst en einnig er rætt um meint hryðjuverk og það að lögreglan heldur að sér höndum þegar kemur að upplýsingagjöf. Næsti upplýsingafundur lögreglunnar verður á miðvikudag. Noelle Lambert íþróttakona er ein keppenda í fertugustu og þriðju seríu Survivor. Hún er með gervifót og sá er frá Össuri.

Gríðarlegt tjón varð víðsvegar um landið í óveðrinu sem hófst um helgina. Íbúar á Seyðisfirði upplifðu mikinn veðurofsa sem varð meðal annars til þess að hið sögufræga Angró-hús féll saman.

Geimferðastofnun Bandaríkjanna ætlar að reyna í fyrsta sinn í dag að hafa áhrif á stefnu smástirnis því skyni að geta brugðist við ef slíkur loftsteinn stefnir á Jörðina.

Hinn þekkti harmonikkuleikari, Reynir Jónasson er 90 ræður í dag. Hann heimsækir Fréttavaktina í tilefni dagsins með nikkuna í farteskinu.

Fréttavaktin er á dagskrá Hringbrautar alla virka daga kl. 18:30, hægt er að horfa á þáttinn hér að neðan: