Klukkan 19 í gær var maður handtekinn í Laugarneshverfi, grunaður um fíkniefnamisferli og brot á vopnalöggjöfinni. Hann var látinn laus að skýrslutöku lokinni. Klukkan 03.22 var tilkynnt um eld í Miðborginni. Þar var töluverður eldur í atvinnuhúsnæði. Slökkvilið slökkti eldinn. Málið er í rannsókn.

Einn ökumaður var handtekinn í gærkvöldi, grunaður um að vera undir áhrifum vímuefna. Viðkomandi reyndist einnig vera sviptur ökuréttindum.

Á öðrum tímanum í nótt var tilkynnt um rúðubrot í verslun í Miðborginni. Ekki er vitað hver var að verki. Á þriðja tímanum var tilkynnt um þjófnað úr verslun í Miðborginni. Þjófurinn komst undan.

Í Hafnarfirði var tilkynnt um grunsamlegar mannaferðir um klukkan 22. Þar reyndust vera menn í leit að ánamöðkum.

Í Grafarvogi var tilkynnt um grunsamlegar mannaferðir á fyrsta tímanum í nótt. Þar voru menn að taka í húna á bílum. Þeir voru farnir þegar lögreglan kom á vettvang.