Tvær konur létust af völdum hákarlaárásar með nokkra klukkustunda millibili í Rauða hafinu um helgina. Aðeins sex hundruðu metrar skildu svæðin að þar sem árásirnar áttu sér stað sem er suður af egypsku borginni Hurghada. Öllum nærliggjandi ströndum hefur verið lokað í þrjá daga í kjölfar árásanna.
Annars vegar lést fertug rúmensk kona og stuttu síðar 68 ára gömul kona frá Austurríki, Elisabet Sauer, sem búsett var í Egyptalandi ásamt þarlendum eiginmanni sínum.
Í óhuganlegu myndband af árásinni, sem fréttamiðillinn News.com birti, má sá Sauer á örvæntingafullu sundi eftir árásina en hákarlinn, sem var af tegundinni Makó, beit af henni handlegg og fótlegg. Skelfingu lostnir ferðamenn fylgjast með og henda einhverskonar flotholti til Sauer en hún lést af sárum sínum á spítala.
Lík rúmensku konunnar fannst síðar skammt frá en sú var í frí í Egyptlandi og gisti á fimm stjörnu lúxushótelinu Premiere Le Reve. Nafn hennar hefur ekki verið gefið upp að svo stöddu.
Háværar gagnrýnisraddir eru uppi varðandi skort á lífvörðum á svæðinu en sjónarvottar hafa lýst hræðilegri upplifun sinni af árásinni við erlenda miðla.
Árásir hákarla í Rauða hafinu eru sjaldgæfar en þeim hefur þó verið að fjölga á undanförnum árum. Árið 2020 missti 12 ára úkraínskur drengur handlegg og fótlegg í hákarla árás. Árið 2018 lést tékkneskur ferðamaður í slíkri árás og þýskur ferðamaður hlaut sömu örlög árið 2015.
