fbpx
Föstudagur 12.ágúst 2022
Fréttir

Segir afgerandi vikur fram undan í stríðinu – HIMARS fer illa með Rússa og breytir gangi stríðsins

Kristján Kristjánsson
Miðvikudaginn 27. júlí 2022 07:03

Himars í notkun. Mynd:Twitter/Oleksii Reznikov

Ekki missa af Helstu tíðindum dagsins í pósthólfið þitt

Lesa nánar

Þú hefur hugsanlega séð myndbönd á samfélagsmiðlum þar sem gríðarlegar sprengingar eiga sér stað að næturlagi í Úkraínu. Síðan birtast myndir af því sem líkjast einna helst yfirborði tunglsins. En þetta eru ekki myndir frá tunglinu heldur af stöðum sem Úkraínumenn hafa skotið á með bandaríska HIMARS flugskeytakerfinu.

Rússneskar skotfærageymslur hafa verið aðalskotmörk þeirra að undanförnu og ein af annarri hafa þær verið sprengdar í loft upp. Nú hafa Úkraínumenn eyðilagt um 50 rússneskar skotfærageymslur langt að baki víglínunni. Mörg þúsund tonn af rússneskum stórskotaliðssprengjum hafa verið eyðilagðar, sprengjur sem átti að nota til að halda uppi stanslausri skothríð á úkraínska bæi og borgir.

Þetta kemur fram í grein eftir Jacob Kaarsbo, fyrrum sérfræðings hjá leyniþjónustu dönsku hersins og núverandi aðalgreinanda hjá hugveitunni Tænketanken Europa, á vef TV2. Hann segir að ágúst muni skipta miklu um gang stríðsins og reikna megi með að Úkraínumenn muni hefja sókn á nokkrum stöðum.

Hann segir að það séu ekki aðeins skotfærageymslur sem Úkraínumenn skjóta á með HIMARS. Þeir ráðist einnig á stjórnstöðvar, herbúðir, mikilvæga innviði á borð við járnbrautarteina og brýr auk ratsjárstöðva og loftvarnarkerfa. Hann segir að samkvæmt upplýsingum frá talsmanni bandaríska varnarmálaráðuneytisins hafi Úkraínumenn hæft rúmlega 100 forgangsskotmörk í síðustu viku.

HIMARS breytir miklu

Kaarsbo segir að kjarninn í sókn Rússa í Donbas í maí og júní hafi verið að láta stórskotalið skjóta linnulaust á Úkraínumenn. Með þessu hafi þeir meðal annars jafnað stórborgina Sjevjerodonetsk við jörðu. Þá hafi stórar rússneskar skotfærageymslur gegnt lykilhlutverki en þegar Úkraínumenn fengu HIMARS hafi allt breyst og nú hafi Rússar misst þessar skotfærageymslur.

„Frá því að Úkraínumenn tóku vopnakerfið í notkun fyrir tæpum mánuði hefur dregið mjög úr rússneskri stórskotaliðshríð. Úkraínskar hersveitir í Donbas segja að nú sé skothríðin 90% minni. Það er útilokað að segja til með algjörri nákvæmni hversu mikið hefur dregið úr stórskotaliðshríðinni en opinber gögn staðfesta að mjög hefur dregið úr henni. Það hefur haft þær afleiðingar að víglínan hefur eiginlega ekki breyst í þrjár vikur,“ segir hann í grein sinni.

Hann bendir á að Rússar hafi neyðst til að flytja skotfærageymslur sínar út fyrir drægi HIMARS sem er um 80 km. Nú þurfi þeir að flytja skotfæri um 100 km leið til víglínunnar og margt bendi til að þeir eigi í erfiðleikum með það vegna skorts á flutningabílum.

Hann segir að reikna megi með að Úkraínumenn muni hefja sókn á næstu vikum, líklega í suðurhluta landsins. Þeir fái fjögur HIMARS-kerfi til viðbótar á næstu vikum og séu nú að taka sex eða sjö M270 flugskeytakerfi í notkun en þau komu frá Bretlandi, Noregi og Hollandi. Kerfið er ekki eins hreyfanlegt og HIMARS en býr yfir meiri skotkrafti því það er hægt að skjóta 12 flugskeytum úr því á skömmum tíma miðað við 6 úr HIMARS. Úkraína sé því að auka getu sína á þessu sviði um 40 til 45% til viðbótar við þau áhrif sem HIMARS hefur haft.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Ákærður fyrir að hafa nauðgað fatlaðri konu ítrekað

Ákærður fyrir að hafa nauðgað fatlaðri konu ítrekað
Fréttir
Í gær

Rússneska sendiráðið segist ekki bera ábyrgð á netárás á vef Fréttablaðsins í morgun – „Mér finnst þetta ekki hörð viðbrögð í málinu“

Rússneska sendiráðið segist ekki bera ábyrgð á netárás á vef Fréttablaðsins í morgun – „Mér finnst þetta ekki hörð viðbrögð í málinu“
Fréttir
Í gær

Reyndi að skalla lögreglumann

Reyndi að skalla lögreglumann
Fréttir
Í gær

Sölvi Tryggvason á fulla ferð að nýju – Birtir fjögur ný hlaðvarpsviðtöl á heimasíðu sinni

Sölvi Tryggvason á fulla ferð að nýju – Birtir fjögur ný hlaðvarpsviðtöl á heimasíðu sinni
Fréttir
Fyrir 2 dögum

Drífa Snædal segir af sér

Drífa Snædal segir af sér
Fréttir
Fyrir 2 dögum

Sólveig Anna segir að Gabríel sé með sig á heilanum – „Aumkunarverður maður það skásta sem ég get sagt“

Sólveig Anna segir að Gabríel sé með sig á heilanum – „Aumkunarverður maður það skásta sem ég get sagt“
Fréttir
Fyrir 2 dögum

Reiði í garð lögreglunnar vegna meints hatursglæps á Hellu – „Óþolandi og með öllu ólíðandi“

Reiði í garð lögreglunnar vegna meints hatursglæps á Hellu – „Óþolandi og með öllu ólíðandi“
Fréttir
Fyrir 3 dögum

Undrabörnin áttu sviðið á Ólympíuskákmótinu – Heimsmeistarinn Magnus Carlsen gat ekki bjargað Norðmönnum frá ótrúlegum hörmungum

Undrabörnin áttu sviðið á Ólympíuskákmótinu – Heimsmeistarinn Magnus Carlsen gat ekki bjargað Norðmönnum frá ótrúlegum hörmungum