fbpx
Mánudagur 04.júlí 2022
Fréttir

Karlmaður sakaður um grófa og ítrekaða áreitni við börn í strætisvagni – „Yngri stelpan vill ekki fara í strætó aftur“

Ágúst Borgþór Sverrisson
Sunnudaginn 19. júní 2022 19:30

Leið 6. Mynd: Anton Brink. Myndin tengist fréttinni ekki beint.

Ekki missa af Helstu tíðindum dagsins í pósthólfið þitt

Lesa nánar

DV ræddi við móður úr Grafarvogi vegna afar alvarlegs atviks sem átti sér stað í strætisvagni leið 6 á 17. júní. Maður, sem af mynd af dæma er á aldrinum 35-45 ára, áreitti þar tvær dætur hennar gróflega. Börnin eru 8 og 15 ára. Maðurinn horfði ögrandi og óviðurkvæmilega á 8 ára stúlkuna og sleikti varir sínar. Hann reyndi að setjast hjá henni en 15 ára systir hennar varnaði honum því. Var hann síðan með óviðurkvæmilegt tal við stúlkurnar allan tímann þar til þær fóru út úr vagninum.

Maðurinn er sakaður um að hafa áreitt fleiri börn. Meðal annars er atvik þar sem hann settist hjá 12 ára stúlku og krafði hana um símanúmerið hennar. Hann elti hana síðan úr úr vagninum og að stoppistöð þar sem stúlkan ætlaði að skipta um vagn, en hún sá þann kost vænstan að flýja manninn á harðahlaupum.

Móðirin sem DV ræddi við segir að maðurinn sé af erlendum uppruna en hann hafi hvorki virst vera andlega vanheill né undir áhrifum áfengis eða fíkniefna. Eldri dóttirin náði mynd af honum sem móðir hennar birti á Facebook.

„Ég er búin að fá þau skilaboð að hann hafi sjálfur farið til lögreglunnar til að kvarta yfir mér, út af myndbirtingunni,“ segir móðirin og hefur litlar áhyggjur af þeirri kvörtun. Sannleikurinn komi í ljós við rannsókn málsins. Sjálf er hún að fara að kæra. „Ég hringdi í 112 og þau tóku þessu mjög alvarlega. Á mánudag mun ég hafa samband við Strætó út af þessu og þá mun ég jafnframt kæra þetta til lögreglu.“

Konan var miður sín yfir því sem dætur hennar höfðu mátt þola er hún ræddi málið við DV. Hún segir málið liggja misþungt á dætrum hennar. „Yngri stelpan vill ekki fara í strætó aftur,“ segir hún. Yngri dóttirin hafi síður gert sér grein fyrir þeim óeðlilegu hvötum sem þarna lágu að baki en hún hafi upplifað það að sjá systur hennar rífast hástöfum við fullorðinn, ókunnugan karlmann, og það er vond reynsla sem situr í henni.

„Eldri stelpan er rosalega sterk týpa, hún lét ekki vaða yfir sig. En þess vegna finnst mér skrýtið að enginn skuli hafa gripið inn í. Strætóstjórinn gerði ekki neitt þó að það færi ekkert á milli mála að dóttir mín var að láta manninn heyra það.“

„Þetta er alveg ömurlegt,“ segir konan um upplifun sína og dætra hennar af þessir ógn. Hún er hins vegar staðráðin í því að fylgja þessu máli fast eftir.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Héðinn og Sveinn segja mannréttindabrot framin á stofnunum landsins „nær daglega“

Héðinn og Sveinn segja mannréttindabrot framin á stofnunum landsins „nær daglega“
Fréttir
Í gær

Þorsteinn um ósæmilega hegðun foreldra á knattspyrnumótum: „Þetta er toppurinn á ísjakanum“

Þorsteinn um ósæmilega hegðun foreldra á knattspyrnumótum: „Þetta er toppurinn á ísjakanum“
Fréttir
Fyrir 2 dögum

Tveir handteknir grunaðir um líkamsárás

Tveir handteknir grunaðir um líkamsárás
Fréttir
Fyrir 3 dögum

Sakfelldur fyrir hrottalegt ofbeldi gegn sambýliskonu sinni – Setti kodda fyrir vit hennar og barði hana með kertastjaka

Sakfelldur fyrir hrottalegt ofbeldi gegn sambýliskonu sinni – Setti kodda fyrir vit hennar og barði hana með kertastjaka
Fréttir
Fyrir 4 dögum

Lögmaður föður drengsins sem var fjarlægður af Barnaspítalanum – „Þeir feðgar glaðir að fá að verja loks tíma saman“

Lögmaður föður drengsins sem var fjarlægður af Barnaspítalanum – „Þeir feðgar glaðir að fá að verja loks tíma saman“
Fréttir
Fyrir 4 dögum

Húsfélagsformaður óttast um milljónir eftir pöntun hjá Gluggasmiðjunni – Sölumanni sagt að mæta ekki í vinnuna

Húsfélagsformaður óttast um milljónir eftir pöntun hjá Gluggasmiðjunni – Sölumanni sagt að mæta ekki í vinnuna