Alls voru 62 mál skráð hjá lögreglunni fá kl. 17 í gær til 5 í morgun. Átta gista fangageymslur, þar af fjórir vegna líkamsárása í fjórum aðskildum málum, tveir vegna innbrots, einn var eftirlýstur og einn fyrir ítrekuð afskipti af störfum lögreglu.
Þetta kemur fram í dagbók lögreglu.
Tilkynnt var um innbrot í miðbænum og voru einhverjir munir teknir. Lögreglu grunar hver var að verki og er málið í rannsókn.
Tilkynnt var um eignaspjöll í hverfi 104. Þar hljóp maður út og sparkaði ítrekað í bíl.
Í Hafnarfirði var maður handtekinn, grunaður um líkamsárás. Er hann talinn hafa ráðist á tvo menn, skallað annan í andlitið og kýlt hinn tvisvar. Maðurinn var vistaður í fangageymslu.
Tveir menn voru handteknir í Kópavogi, grunaðir um innbrot og þjófnaði. Voru þeir vistaðir í fangageymslu.
Umferðarslys varð í Mosfellsbænum þegar rafhlaupahjól og reiðhjól lentu saman. Minniháttar meiðsl urðu á fólki.
