Málið er til rannsóknar hjá lögreglunni og Guðmundur Heiðar Helgason, upplýsingafulltrúi, Strætó segir að vandlega verið farið yfir atvikið af stjórnendum Strætó og að það hafi vakið nokkra undrun innan fyrirtækisins.
Farþegi réðst með ofbeldi að vagnstjóra Strætó eftir viðburðarík ferð norður þann 19. maí síðastliðinn. Fréttblaðið greinir frá málinu á forsíðu blaðsins í dag en árásin átti sér stað á endastöð vagnsins við Hof á Akureyri. Í frétt blaðsins kemur fram að farþeginn, ásamt ferðafélaga sínum, hafi verið til vandræða stóran hluta ferðarinnar frá Reykjavík að sögn bílstjórans.
Allt fór í háaloft eftir að annar maðurinn var skilinn eftir á Blönduósi eftir að hafa hunsað fyrirmæli bílstjórans um að hann gæti ekki beðið lengur eftir manninum. Þá varð ferðafélagi mannsins, sem var enn í vagninum, fokvondur. Sá sem var skilinn eftir á Blönduósi kom svo aftur inn í vagninn í Varmahlíð eftir að lögregla óskaði eftir því að vagninn biði þar meðan hún skutlaði manninum um 60 kílómetra frá Blönduósi.
Í viðtali við Fréttablaðið lýsir bílstjórinn atburðarásinni en hann hefur verður í veikindaleyfi í að minnsta kosti tvær vikur enda segist hann enn upplifa svima og vanlíðan eftir árásina.
„Ég veit ekki hversu oft hann kýldi mig. Ég sat í bílstjórasætinu og hann kýldi mig. Ég má ekki kýla á móti og því reyndi ég að verja mig. Svo hætti hann en kom aftur stuttu seinna með vini sínum og þeir réðust á mig saman,“ segir Tomasz og að enginn tuttugu farþeganna hafi hjálpað.
Málið er til rannsóknar hjá lögreglunni og Guðmundur Heiðar Helgason, upplýsingafulltrúi, Strætó segir að vandlega verið farið yfir atvikið af stjórnendum Strætó og að það hafi vakið nokkra undrun innan fyrirtækisins.
