fbpx
Föstudagur 01.júlí 2022
Fréttir

Upptökur af fjarskiptum varpa ljósi á örlög beitiskipsins Moskvu

Kristján Kristjánsson
Þriðjudaginn 17. maí 2022 05:52

Moskva að sökkva. Skjáskot/Twitter

Ekki missa af Helstu tíðindum dagsins í pósthólfið þitt

Lesa nánar

Úkraínski herinn hefur gert upptökur af síðustu talstöðvarsamskiptum áhafnar rússneska beitiskipsins Moskvu opinberar. Skipið sökk í Svartahafi 14. apríl. Úkraínumenn hafa frá upphafi haldið því fram að þeir hafi sökkt skipinu en Rússar segja að eldur hafi komið upp um borð og sprenging orðið í skotfærageymslunni og það hafi sökkt skipinu.

En upptökurnar, sem Úkraínumenn hafa nú birt, virðast staðfesta frásögn Úkraínumanna um að þeir hafi sökkt skipinu með tveimur flugskeytum. Á upptökunum heyrist rússneskur sjóliðsforingi hrópa að „tvö göt“ séu komin á skipið og það sé að sökkva.

Upptökurnar eru frá stjórnstöð úkraínska hersins í suðurhluta Úkraínu en hún fer með stjórn á strandsvæðum við Svartahaf. Úkraínski netmiðillinn Ukrainska Pravda, sem vitnar í upptökuna, segir að þær staðfesti frásögn úkraínska hersins um að hann hafi sökkt skipinu með tveimur flugskeytum.

Það virðist vera það sem sjóliðsforinginn er að tilkynna um í talstöðina áður en skipið sökk: „Moskva eitt: Tvö göt! Skrúfurnar eru stopp! Sökkvum! Slagsíða!“ tilkynnti sjóliðsforinginn til dráttarbáta sem reyndu að koma til aðstoðar.

Sjóliðsforinginn hrópar að skipið sé með tvö göt undir sjólínu og halli um 30 gráður. Hann segir að tjónið sé svo mikið að ekki sé hægt að sigla Moskvu til dráttarbáta sem voru á leið til aðstoðar. „Við gerum okkar besta til að bjarga áhöfninni,“ segir hann síðan.

Það var mikill sigur, áróðurslega séð, fyrir Úkraínu að hafa sökkt Moskvu sem var flaggskip rússneska flotans í Svartahafi. Úkraínski herinn segist hafa hæft skipið með tveimur Neptunflugskeytum sem var skotið frá landi. Úkraínskur dróni, sem var flogið að skipinu úr annarri átt, truflaði varnarkerfi þess þannig að flugskeytin náðu alla leið og hæfðu skipið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Lögmaður föður drengsins sem var fjarlægður af Barnaspítalanum – „Þeir feðgar glaðir að fá að verja loks tíma saman“

Lögmaður föður drengsins sem var fjarlægður af Barnaspítalanum – „Þeir feðgar glaðir að fá að verja loks tíma saman“
Fréttir
Í gær

Húsfélagsformaður óttast um milljónir eftir pöntun hjá Gluggasmiðjunni – Sölumanni sagt að mæta ekki í vinnuna

Húsfélagsformaður óttast um milljónir eftir pöntun hjá Gluggasmiðjunni – Sölumanni sagt að mæta ekki í vinnuna
Fréttir
Fyrir 2 dögum

Skóflustunga tekin að nýjum leikskóla í Vogabyggð – Einar Þorsteins settist í gröfuna

Skóflustunga tekin að nýjum leikskóla í Vogabyggð – Einar Þorsteins settist í gröfuna
Fréttir
Fyrir 2 dögum

Heimkaup hefur sölu á áfengi

Heimkaup hefur sölu á áfengi
Fréttir
Fyrir 2 dögum

Aðalheiður vekur athygli á djammvanda sem blasir við Íslendingum

Aðalheiður vekur athygli á djammvanda sem blasir við Íslendingum
Fréttir
Fyrir 2 dögum

Telur að íbúðir hljóti að lækka í raunverði á næstu árum

Telur að íbúðir hljóti að lækka í raunverði á næstu árum