Rússneski herinn stendur frammi fyrir þeirri úlfakreppu í Úkraínu að hann verður að velja hvort hann á að blása til sóknar eða pakka í vörn á sumum vígstöðvum. Ástæðan er að það vantar bæði vopn og hermenn.
Þetta kemur fram í stöðumati breska varnarmálaráðuneytisins. Það segir að nú leggi Rússar áherslu á varnarlínu sína í bænum Svatove í Luhansk en bærinn er nærri rússnesku landamærunum. Þetta gerir Rússum erfitt fyrir við að blása til sóknar í Donetsk.
https://twitter.com/DefenceHQ/status/1594575719454998528?ref_src=twsrc%5Etfw%7Ctwcamp%5Etweetembed%7Ctwterm%5E1594575719454998528%7Ctwgr%5Ee69ec537c9735589357bd8261281b203f10d91c0%7Ctwcon%5Es1_&ref_url=https%3A%2F%2Fpublish.twitter.com%2F%3Fquery%3Dhttps3A2F2Ftwitter.com2FDefenceHQ2Fstatus2F1594575719454998528widget%3DTweet
Langflestir rússnesku hermannanna, sem eru í Svatove, eru varaliðsmenn og hafa því ekki hlotið mikla þjálfun.
Breska varnarmálaráðuneytið segir að skortur á hermönnum og hergögnum verði áfram vandamál fyrir rússnesku hersveitirnar.
