fbpx
Laugardagur 20.apríl 2024
Fréttir

Fagna frelsinu í Kherson – Meintir landráðamenn bundnir við ljósastaura og niðurlægðir

Ritstjórn DV
Mánudaginn 14. nóvember 2022 07:05

Föðurlandssvikarar bundnir við staura á almannafæri í Kherson.

Ekki missa af Helstu tíðindum dagsins í pósthólfið þitt

Lesa nánar

Íbúar Kherson hafa tekið úkraínskum hermönnum fagnandi eftir að rússneska herliðið dró sig út úr borginni. Allir innviðir borgarinnar, sem er í suðurhluta Úkraínu, eru hins vegar í rúst en Volodomir Zelenskí, Úkraínuforseti, greindi frá því að Rússa hefðu eyðilagt samskiptakerfi, vatnsveitur sem og hita- og rafveitur áður en her þeirra hörfaði úr borginni. Þá fullyrti forsetinn að þegar hefðu meira en 400 meintir stríðsglæpir Rússa verið skráðir í borginni.

Þá er borgin full af hættulegum sprengjum og gildrum sem mun taka tíma að hreinsa upp og skapar mikla hættu fyrir hermenn Úkraínuhers sem og íbúa. Tíu sprengjuhreinsunarsveitir hafa tekið til starfa í borginni og þær hafa þegar fjarlægt meira en 2.000 jarðsprengjur og ýmiskonar gildrur í borginni en starfið er þó aðeins rétt að byrja.

Flestir þeirra Úkraínumanna sem aðstoðuðu innrásarliðið hafa flúið borgina á síðustu vikum. Það gerðu þó ekki allir og meðal annars voru tveir meintir landráðamenn handteknir og bundir við ljósastaura á götu í Kherson og gerði heimafólk aðsúg að þeim. Hermenn gæta þeirra þó og má búast við að réttað verði yfir mönnunum þegar um hægist.

Hermann Úkraínuhers þurfa þó að fara öllu með gát því grunur leikur á að rússneskir hermenn séu enn staðsettir í borginni, margir hverjir þá klæddir sem óbreyttir borgarar.

Úkraínskum hermönnum var tekið fagnandi í Kherson

Auk þess að skilja eftir sig slóð eyðileggingar hafi rússneskir hermenn meðal annars stolið lamadýrum, þvottabjörnum og úlfum úr dýragarði borgarinnar.

Frelsun Kherson-borgar er mikill áfangasigur fyrir Úkraínuher en mótspyrnu Rússa er þó hvergi nærri lokið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Ástþór hvetur fólk til að passa sig á þessu: Ævintýrið getur fljótt breyst í martröð

Ástþór hvetur fólk til að passa sig á þessu: Ævintýrið getur fljótt breyst í martröð
Fréttir
Í gær

Lögregla fann 29 dauða nautgripi á bæ á Norðurlandi Vestra

Lögregla fann 29 dauða nautgripi á bæ á Norðurlandi Vestra
Fréttir
Fyrir 2 dögum

Guðlaugur Þór leiðréttir útbreiddan misskilning: „Þrátt fyr­ir þessa staðreynd flýg­ur sag­an áfram“

Guðlaugur Þór leiðréttir útbreiddan misskilning: „Þrátt fyr­ir þessa staðreynd flýg­ur sag­an áfram“
Fréttir
Fyrir 2 dögum

Bubbi mærir Katrínu í Mogganum: „Við skulum tala íslensku“

Bubbi mærir Katrínu í Mogganum: „Við skulum tala íslensku“