Þrír ökumenn til viðbótar voru handteknir í gærkvöldi og nótt, grunaðir um að vera undir áhrifum áfengis og/eða fíkniefna. Einn þeirra reyndist vera sviptur ökuréttindum.
Afskipti voru höfð af tveimur aðilum sem eru grunaðir um vörslu fíkniefna.
Í Háaleitis- og Bústaðahverfi var tilkynnt um skemmdarverk á húsnæði og þar varð umferðarslys er tvær bifreiðar rákust saman. Ökumenn og farþegar voru fluttir á bráðamóttöku. Bifreiðarnar voru fluttar af vettvangi með dráttarbifreið.
Í Hafnarfirði var ekið á reiðhjólamann. Ekki liggja fyrir upplýsingar um meiðsl hans.
Brotist var inn í geymslu í fjölbýlishúsi i Hafnarfirði.
Í Breiðholti bað leigubifreiðastjóri um aðstoð vegna farþega sem neitaði að greiða áfallið aksturgjald.
Í Grafarvogi var tilkynnt um þjófnað úr verslun.