Í gær var greint frá því að þeir Björgvin Páll Gústavsson, Elvar Örn Jónsson og Ólafur Andrés Guðmundsson hefðu allir greinst með Covid-19. Var það mikið áfall fyrir landsliðið að missa þessa þrjá menn úr liðinu þar sem leikurinn við heimsmeistara Danmerkur er í kvöld.
Nú hafa borist fleiri slæmar fréttir að utan en þeir Aron Pálmarsson og Bjarki Már Elísson eru einnig búinr að greinast með veiruna. Það eru því alls 5 leikmenn landsliðsins sem verða fjarverandi í gríðarlega erfiðri viðureign við Dani í kvöld.
Róbert Geir Gíslason, framkvæmdastjóri HSÍ, ræddi við Vísi um málið í morgun en þá sagði hann að ekki væri búið að sækja nýja leikmenn í stað þeirra smituðu, það er þó í skoðun.
