Helgi Magnús Gunnarsson vararíkissaksóknari fékk í gær áminningu frá Sigríði Friðjónsdóttur ríkissaksóknara vegna ummæla sem hann lét falla í júlí síðastliðnum. Sigríður staðfesti að Helgi hafi fengið áminningu vegna ummælanna í svari við fyrirspurn mbl.is.

„Auðvitað ljúga þeir. Flestir koma í von um meiri pening og betra líf. Hver lýgur sér ekki til bjargar? Þar fyrir utan er einhver skortur á hommum á Íslandi?,“ eru ummælin sem um ræðir en Helgi skrifaði ummælin í tengslum frétt Vísis. Fréttin fjallaði um hinsegin hælisleitendur sem sakaðir hafa verið um að ljúga um kynhneigð sína.

Helgi fékk ámmininguna á þeim grundvelli að háttsemi hans utan starfs hans hafi verið bæði ósæmileg og ósamrýmanleg starfi hans. Þá hafi þessi háttsemi hans varpað rýrð á störf hans, embætti ríkissaksóknara og ákæruvaldið. Þá segir áminningin að tjáning Helga hafi grafið undan virðingu og trausti til embættis ríkissaksóknara og ákæruvaldsins.

„Hér ber að und­ir­strika að vara­rík­is­sak­sókn­ari er staðgeng­ill rík­is­sak­sókn­ara sem er æðsti hand­hafi ákæru­valds hér á landi. Vara­rík­is­sak­sókn­ara ber því að vera öðrum ákær­end­um fyr­ir­mynd í allri sinni fram­göngu,“ segir í svari ríkissaksóknara sem barst mbl.is.