Meiðyrðamáli Sverris Einars Eiríkssonar, eiganda Nýju Vínbúðarinnar, gekk Sindra Þór Sigríðarsyni var vísað frá Landsrétti í síðustu viku en dómurinn birtist á vef Landsréttar í morgun. Sindri Þór var sýknaður af meiðyrðakæru Sverris Einars í Héraðsdómi en sá síðarnefndi ákvað að áfrýja málinu til Landsréttar. Lögmaður Sindra Þórs, Jóhannes S. Ólafsson, krafðist þess að lögð yrði fram málskostnaðartrygging og úrskurðaði Landsréttur fyrr í sumar að sú upphæð skyldi vera 1 milljón króna og hafði Sverrir Einar frest til 11. júlí að leggja upphæðina fram. Það gerði hann hins vegar ekki og því var málinu vísað frá Landsrétti og Sverri Einari gert að greiða Sindra Þór 300 þúsund krónur í málskostnað fyrir Landsrétti. Áður hafði
Sverrir Einar Eiríksson, eigandi Nýju Vínbúðarinnar, sem stefndi Sindra Þór Sigríðarsyni fyrir meiðyrði og tapaði málinu, hefur áfrýjað því til Landsréttar. Áður hafði Sverrir Einar verið dæmdur til að greiða Sindra Þór 900 þúsund krónur í málskostnað í héraði.
Hér má lesa úrskurð Landsréttar
Málið er til komið vegna umræðna og deilna á Twitter haustið 2021 þar sem umfjöllunarefnið voru mál knattspyrnumannsins Kolbeins Sigþórssonar, sem sakaður var um ofbeldi. Sindra þótti Sverrir ganga svo hart fram í þessum umræðum að hann sakaði hann um áreitni gagnvart konunum sem hann deildi við. Sverrir stefndi Sindra vegna eftirfarandi ummæla:
„Þetta er Sverrir. Sverrir á og rekur Nýju Vínbúðina. Sverrir eltir, áreitir og niðurlægir konur á internetinu. Konur sem berjast gegn kynferðisofbeldi. Meðlimi Öfga. Ekki vera eins og Sverrir.“
„Þetta er Sverrir. Sverri finnst gaman að áreita konur á samfélagsmiðlum og þess vegna eru fáir að fylgja honum. En einn þeirra sem er fylgjandi Sverri og hans aðferðum er Tómas Þóroddsson, sérlegur Ingó-vinur og fráfarandi stjórnarmaður KSÍ. Ekki vera eins og þeir.“
„Þetta er Sverrir. Sverri finnst konur svo lítils virði að hann sér enga ástæðu til að hjálpa þeim ef þær hleypa ekki uppá sig að launum. Ekki vera eins og Sverrir.“
Krafðist Sverrir ómerkingar ummælanna og greiðslu skaðabóta en því hafnaði Héraðsdómur með öllu.
Sverrir ákvað hins vegar að áfrýja málinu til Landsréttar og birti eftirfarandi yfirlýsingu þegar sú ákvörðun lá fyrir. „Eftir nokkra umhugsun hef ég ákveðið að áfrýja til Landsréttar dómi Héraðsdóms Reykjavíkur í meiðyrðamáli mínu á hendur Sindra Þór Sigríðarsyni. Ég sætti mig ekki við þá niðurstöðu héraðsdóms að Sindra hafi mátt úthúða mér á samfélagsmiðlum án tilefnis, með fullyrðingum sem voru í senn meiðandi og rangar. Þá er ljóst að hann gerði hvað hann gat til þess að valda mér sem mestu tjóni með því að draga starf mitt og lifibrauð inn í ummæli sín. Þá þykir mér rökstuðningur héraðsdóms ekki sannfærandi og gefa tilefni til að skjóta málinu til æðra dómstigs. Ég ber miklar vonir til þess að Landsréttur rétti af kúrsinn í þessari dómaframkvæmd,“ skrifaði Sverrir Einar.
Nú hefur málinu hins vegar verið vísað frá dómi eins og áður segir.
