Einn var handtekinn í vesturhluta borgarinnar, á kvöld- og næturvakt lögreglunnar, fyrir að beina hníf að lögreglumönnum og fara ekki að fyrirmælum. Annar var handtekinn eftir að hafa ógnað manni með hníf og lagt hnífinn upp að hálsi hans. Báðir hinir handteknu gista fangageymslur.

Fjórir ökumenn voru handteknir í vesturhluta borgarinnar, grunaðir um að vera undir áhrifum áfengis og/eða fíkniefna.

Tveir voru handteknir grunaðir um nytjastuld á bifreið. Ökumaðurinn er grunaður um að hafa verið undir áhrifum vímuefna og akstur án ökuréttinda.

Tveir féllu af rafhlaupahjólum og slösuðust. Báðir eru grunaðir um að hafa verið ölvaður. Annar var fluttur á bráðamóttöku til aðhlynningar.

Í Miðborginni var maður handtekinn fyrir að bera sig fyrir framan fólk.