Netárás var gerð á vef Fréttablaðsins í morgun og hefur hýsingaraðili síðunnar virkajð sérstakar öryggisreglur vegna árásarinnar sem á að tryggja öryggi síðunnar. Umferð á eldvegginn hjá Fréttablaðinu tólfaldaðist miðað við venjulega umferð milli klukkan 8 og 9 í morgun. Þetta kemur fram í frétt Fréttablaðsins en í henni kemur fram að Ivan Gliskin, upplýsingafulltrúi Rússneska sendiráðsins á Íslandi, vísi því alfarið á bug að vita nokkuð um netárásina. Hann sagði að hver sem er gæti hafa staðið að tölvuárásinni en sendiráðið hefði ekkert haft með hana að gera. „Mér finnst þetta ekki hörð viðbrögð í málinu,“ sagði Gliskin spurður um tölvuárás á frjálsan fjölmiðl á Íslandi.
Eins og fram kom í frétt DV í morgun hafa forsvarsmenn Fréttablaðsins kært hótanir um að netárásir til lögreglu. Í hótuninni sem barst miðlinum kemur fram að verði ekki beðist afsökunar á myndbirtingu af rússneska fánanum sem gólfmottu á síðum blaðsins í gær verði gerð allsherjarnetárás á vef Fréttablaðsins kl.21 í kvöld.
Þá barst einnig formlegt bréf til ristjórnar Fréttablaðsins í morgun þar sem þess var krafist að
Rússneska sendiráðið sendi einnig bréfpóst á Fréttablaðið sem barst í morgun en þar er blaðið aftur krafið um afsökunarbeiðni. Í bréfinu ítrekar sendiráðið skoðun sína að um að myndbirting brjóti á almennum hegningarlögum. Í niðurlagi bréfsins segir að sendiráðið búist við því að fá afsökunarbeiðni frá blaðinu fyrir að hafa móðgað þjóðfána Rússlands.
