Landhelgisgæslan tók þátt í skemmtilegu samfélagsverkefni á Austurlandi í gær þegar þyrla gæslunnar flutti brúarbita, göngubrú og vatnstanka að Hengifossi.
Frá þessu er greint í máli og myndum á Facebook í dag.
Í fyrstu hélt áhöfn þyrlunnar frá Reykjavík að Hengifossi og lenti á túni skammt frá fossinum. Þar var búið að koma fyrir brúarbitum og handriðum. Smiðir voru teknir um borð í þyrluna og fluttir að brúarstæðinu, var brúarbitunum og handriðunum komið fyrir á sínum stað með aðstoð þyrlunnar.
Á næstu dögum veðrur brúin sjálf smíðuð ofan á bitana. Með brúnni verður til gönguleið hringinn í kringum gilið sem Hengifossá rennur í.
Myndir og ítarlegri frásögn af verkefninu má sjá með því að smella á tengilinn hér fyrir neðan:
