fbpx
Þriðjudagur 05.júlí 2022
Fréttir

Danir undirbúa sig undir kórónuveiruvetur – Bjóða 2,5 milljónum landsmanna bólusetningu

Kristján Kristjánsson
Fimmtudaginn 23. júní 2022 06:55

Mynd:Getty

Ekki missa af Helstu tíðindum dagsins í pósthólfið þitt

Lesa nánar

Mette Frederiksen, forsætisráðherra Danmerkur, boðaði til fréttamannafundar í gær þar sem staða kórónuveirufaraldursins var rædd. Auk hennar voru Magnus Heunicke, heilbrigðisráðherra, og æðstu embættismenn heilbrigðiskerfisins á fundinum.

Fram kom að heilbrigðisyfirvöld reikna með að faraldurinn muni herja á Dani næsta vetur en engar áætlanir eru uppi um að grípa til sérstakra sóttvarnaaðgerða eða umfangsmikillar samfélagslokunar.

2,5 milljónum landsmanna verður boðið upp á örvunarskammt númer tvö í haust til auka vörnina gegn alvarlegum veikindum af völdum COVID-19.  Frá og með 15. september verður íbúum á dvalarheimilum aldraðra og fólki í sérstaklega viðkvæmum hópum boðið upp á örvunarskammt og frá 1. október stendur öllum 50 ára og eldri slíkur skammtur til boða. Bóluefnin frá Pfizer og Moderna verða í boði.

Faraldurinn hefur sótt í sig veðrið síðustu vikur í Danmörku en er þó ekki mikill að umfangi eins og staðan er í dag. Það er BA.5 afbrigðið, sem er undirafbrigði Ómíkron, sem veldur þessu. Søren Brostrøm, landlæknir, sagði að segja megi að nú sé „lítill sumarfaraldur“.

Landlæknisembættið á von á stærri faraldri í vetur og hefur undirbúið sig undir hann síðustu vikur. Einn liður í þeim undirbúningi er að bólusetningar hefjast á nýjan leik í september. Bólusetningum verður flýtt ef merki eru um að vetrarbylgjan verði fyrr á ferðinni en reiknað er með núna.

Aðalmarkmiðið með aðgerðum heilbrigðisyfirvalda núna er að koma í veg fyrir alvarleg veikindi, sjúkrahúsinnlagnir og dauða, ekki að koma í veg fyrir smit.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Áframhaldandi flugvandræði yfirvofandi – „Þetta hefði ekki átt að koma neinu flugfélagi á óvart“

Áframhaldandi flugvandræði yfirvofandi – „Þetta hefði ekki átt að koma neinu flugfélagi á óvart“
Fréttir
Fyrir 2 dögum

Héðinn og Sveinn segja mannréttindabrot framin á stofnunum landsins „nær daglega“

Héðinn og Sveinn segja mannréttindabrot framin á stofnunum landsins „nær daglega“
Fréttir
Fyrir 3 dögum

Sakfelldur fyrir hrottalegt ofbeldi gegn sambýliskonu sinni – Setti kodda fyrir vit hennar og barði hana með kertastjaka

Sakfelldur fyrir hrottalegt ofbeldi gegn sambýliskonu sinni – Setti kodda fyrir vit hennar og barði hana með kertastjaka
Fréttir
Fyrir 3 dögum

Arnar Grant segir að Vítalía hafi ekki sagt satt um Loga Bergmann

Arnar Grant segir að Vítalía hafi ekki sagt satt um Loga Bergmann