Á sjöunda tímanum í gær varð árekstur þriggja bíla í Hvalfjarðargöngunum. Enginn slasaðist. Bílarnir voru fluttir af vettvangi með dráttarbifreið.
Á sjötta tímanum í gær var maður í mjög annarlegu ástandi handtekinn í Grafarvogi. Lögreglan var búin að hafa ítrekuð afskipti af honum þar sem hann var að ónáða fólk. Hann er grunaður um þjófnað og var vistaður í fangageymslu. Við leit á honum fundust meint fíkniefni.
Einn ökumaður var handtekinn í gærkvöldi grunaður um að vera undir áhrifum áfengis og fíkniefna og vörslu fíkniefna.
