Um klukkan eitt í nótt var tilkynnt um eld í húsi í Miðborginni. Eldurinn var sagður minniháttar. Búið var að slökkva hann þegar lögregla og slökkvilið komu á vettvang. Einn var fluttur á sjúkrahús en sá komst sjálfur út úr húsinu en hafði slasast.

Um klukkan hálf níu í gær var ekið á strætisvagn sem var kyrrstæður á biðstöð á Vífilstaðavegi. Þrír farþegar voru í vagninum en enginn slasaðist. Strætisvagninn var ökufær eftir áreksturinn en flytja þurfti hina bifreiðina á brott með kranabifreið.

Á áttunda tímanum var  bifreið ekið á strætóskýli á Hafnarfjarðarvegi en mikil hálka var á vettvangi. Engin slys urðu á fólki en fjarlægja þurfti bifreiðina með dráttarbifreið.