Jón Sigurðsson, fyrrverandi ráðherra, Seðlabankastjóri og formaður Framsóknarflokksins, er látinn, 75 ára að aldri. Jón greindist með langt gengið krabbamein í blöðruhálskirtli í ársbyrjun í fyrra.
RÚV greindi fyrst frá.
Jón var fæddur í Kollafirði á Kjalarnesi þann 23. ágúst 1946. Jón lauk stúdentsprófi frá Menntaskólanum í Reykjavík árið 1966. og þremur árum síðar útskrifaðist hann úr Háskóla Íslands með BA-gráðu í íslensku og sagnfræði.
Hann gengdi fjölmörgum ábyrgðarstörfum á sínum ferli. Meðal annars var Jón ritstjóri Tímans frá 1978 til 198 og þá tók hann við starfi skólastjóra Samvinnuskólans á Bifröst og varð síðar rektor skólans til ársins 1991.
Þau störf stoppuðu þó ekki Jón í að afla sér frekari menntunar og hann útskrifaðist með MA gráðu í menntunarfræðum og kennslustjórnun frá Columbia Pacific University í San Rafael í Bandaríkjunum árið 1988. Tveimur árum síðar lauk hann doktorsgráðu í sömu greinum árið 1990. Þá lauk hann MBA-gráðu í rekstrarhagfræði og stjórnun frá national University í San Diego í Bandaríkjunum árið 1993.
Tíu árum síðar tók Jón við starfi seðlabankastjóra og gegndi því til ársins 2006. Þá tók hann við embætt iðnaðar- og viðskiptaráðherra í ríkisstjórn Geirs H. Haarde, og gegndi því til ársins 2007. Á sama tíma og hann gegndi ráðherraembættinu var hann formaður Framsóknarflokksins.