fbpx
Mánudagur 20.september 2021
Fréttir

Fulltrúar FBI þóttust ætla að bjarga Íslandi frá risatölvuárás en voru í raun bara að yfirheyra Sigga hakkara um Wikileaks

Ágúst Borgþór Sverrisson
Mánudaginn 21. júní 2021 10:00

Ekki missa af Helstu tíðindum dagsins í pósthólfið þitt

Lesa nánar

Samkvæmt ítarlegri fréttaskýringu í Stundinni beitti bandaríska alríkislögreglan, FBI, íslensk stjórnvöld blekkingum árið 2011 og fulltrúar FBI komu til Íslands til rannsókna á fölskum forsendum. Yfirlýst erindi var að forða Íslandi frá yfirvofandi risatölvuárás á mikilvægar stofnanir ríkisins. Í reynd var engin slík árás yfirvofandi og eini tilgangurinn með heimsókninni var að afla upplýsinga um starfsemi samtakanna Wikileaks sem lengi hafa haft sterk tengsl við Ísland. Samtökin höfðu áður lekið til fjölmiðla gögnum sem sýndu stríðsglæpi Bandaríkjahers í Afghanistan.

Þáverandi innanríkisráðherra, Ögmundur Jónasson, fagnaði í fyrstu framtaki FBI en það fór svo að á hann runnu tvær grímur er honum varð ljóst hvað FBI var raunverulega að gera hér á landi og að engin gögn bárust honum um hina meintu yfirvofandi tölvuárás. Fór svo að Ögmundur tjáði FBI fulltrúunum að þeir hefðu ekki heimild til lögreglustarfa hér á landi og bað þá um að hafa sig á brott. Þeir fóru þó ekki fyrir en fimm dögum seinna.

Rannsókn FBI á Wikileaks hér á landi snerist um yfirheyrslur yfir Sigurði Inga Þórðarsyni, sem oftast er kallaður Siggi hakkari. Siggi var þá sjálfboðaliði hjá Wikileaks og hafði gert sig sekan um að stela stórfé frá samtökunum. Hann hafði ennfremur margreynt að fá þekkta erlenda hakkara til að brjótast inn í tölvukerfi íslenskra stofnana, en með litlum árangri. Siggi er margdæmdur fyrir fjársvik og fyrir samtals 9 kynferðisbrot gegn unglingsdrengjum. Undanfarið hefur hann verið orðaður við mjög tortryggilegar tilraunir fyrirtækja með enga starfsemi á baki við gamlar kennitölur til að komast í reikningsviðskipti hjá margskonar verslunum, að virðist með þann ásetning að greiða ekki fyrir vörurnar. Hefur meðal annars verið fjallað um það á dv.is:

Sjá einnig: Siggi hakkari grunaður um stórtækt svindl í vöruúttektum

Þó að atburðirnir sem fréttaskýring Stundarinnar fjallar um hafi gerst árið 2011 er málið sagt síkvikt því bandarísk stjórnvöld hafa nýlega reynt að komast í samstarf við íslensk stjórnvöld um rannsókn á Wikileaks. Tilgangurinn sé að safna gögnum gegn stofnanda samtakanna, Julian Assange, sem er í haldi í Bretlandi vegna kæru Bandaríkjamanna á hann um njósnir, á þeim forsendum að gagnaleki Wikileak snúist um njósnir en ekki blaðamennsku. Dómstóll í Bretlandi hafnaði í janúar á þessu ári framsalskröfu Bandaríkjamanna, á þeim forsendum að bágt andlegt heilsufar Assange geri það ókleift að framselja hann.

 

Sjá nánar í prentútgáfu Stundarinnar

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Yfirlýsing DV: Beittu barni til að stöðva frétt

Yfirlýsing DV: Beittu barni til að stöðva frétt
Fréttir
Fyrir 2 dögum

Gordon Ramsay ráðinn dósent í Háskólanum á Akureyri

Gordon Ramsay ráðinn dósent í Háskólanum á Akureyri
Fréttir
Fyrir 3 dögum

COVID-smitaður handtekinn vegna líkamsárásar og brots á sóttvarnarlögum

COVID-smitaður handtekinn vegna líkamsárásar og brots á sóttvarnarlögum
Fréttir
Fyrir 3 dögum

Eva opnar sig upp á gátt: Höfuðkúpu- og rifbeinsbraut sambýliskonu sína – „Þegar ég vildi komast í efnin mín þá var ekkert sem stoppaði mig“

Eva opnar sig upp á gátt: Höfuðkúpu- og rifbeinsbraut sambýliskonu sína – „Þegar ég vildi komast í efnin mín þá var ekkert sem stoppaði mig“
Fréttir
Fyrir 4 dögum

Anton bar vitni í Rauðagerðismálinu – „Það er búið að rústa öllu hjá mér, fjölskyldulífinu…“

Anton bar vitni í Rauðagerðismálinu – „Það er búið að rústa öllu hjá mér, fjölskyldulífinu…“
Fréttir
Fyrir 4 dögum

Dóttir Sibbu glímir við hræðilegan sjúkdóm en kemur að lokuðum dyrum – „Grátandi og öskrandi af sársauka“ en fær engar bætur

Dóttir Sibbu glímir við hræðilegan sjúkdóm en kemur að lokuðum dyrum – „Grátandi og öskrandi af sársauka“ en fær engar bætur