Í gær sagði DV frá myndbandi af Eiði Smára þar sem hann sást kasta af sér þvagi, bersýnilega mikið ölvaður á Ingólfstorgi. Myndbandið var tekið upp í nýliðinni viku og hefur gengið manna á milli eins og eldur í sinu síðan. Eiður hafði samkvæmt heimildum DV verið að skemmta sér á Vinnustofu Kjarvals þarna fyrr um kvöldið.
Þetta er ekki fyrsta slíka uppákoman hjá landsliðsþjálfaranum, en fyrr á árinu mætti Eiður í sjónvarpsþátt í Sjónvarpi Símans og var mikið um það rætt á samfélagsmiðlum að hann hefði verið sjáanlega ölvaður í sjónvarpinu. Eitthvað minna fór fyrir fjölmiðlaumfjöllun um það mál, en Mannlíf skrifaði þó um málið, einn fjölmiðla. Heimildir DV herma þó að það hafi verið rætt innan stjórnar KSÍ.
Samkvæmt frétt mbl.is í gær af málinu mun KSÍ nú setja fótboltakappanum afarkosti: Meðferð eða hann verður rekinn. Nafnlausar heimildir DV staðfestu þetta í gær.
Gríðarlegar umræður spunnust í framhaldinu. Sumir vildu meina að svona ætti fyrirmynd ungra drengja og stúlkna á Íslandi ekki að haga sér á almannafæri, og allra síst maður í hans stöðu; landsliðsþjálfari.
Aðrir spurðu hins vegar hvort mönnum væri bannað að vera mannlegir. „Gæinn er bara að pissa,“ sagði Kristmundur Axel til dæmis á Twitter.
Haha gæinn er bara að pissa eins og allir hafa ábyggilega gert
— Kristmundur Axel (@kristmunduraxel) June 12, 2021
Enn aðrir spurðu hvort rétt hafi verið að taka athæfið upp á myndband.
Jájá Eiður Smári á að vita betur í sinni stöðu en að vera míga á almannafæri…
Eitthvað sem ég held að við karlmenn yfir höfuð erum allt of oft sekir um.
En enginn á samt að lenda í því að vera tekinn upp að pissa úti á djamminu og því hent í dreifingu.
Ég meina… Til hvers?
— Albert Ingason. (@Snjalli) June 12, 2021
Karen Kjartansdóttir, fjölmiðlakona með meiru, er ekki að skafa af því heldur:
Og við þetta vil ég bæta að mér finnst það ekki bara ömurlegt að mynda fólk svona og niðurlægja heldur finnst mér það bera vott um sjúka meinfýsni.
— Karen Kjartansdottir (@karenkjartansd) June 12, 2021
DV leggur nú málið í hendur lesenda sinna, eins og áður, og spyr:
