Blaðamaðurinn Aðalsteinn Kjartansson tilkynnti í dag að hann hafi sagt upp störfum hjá RÚV. Í færslu sem hann birtir á Facebook-síðu sinni segist hann hafa hugsað um það í marga mánuði en niðurstaðan sé sú að RÚV er ekki vinnustaður fyrir hann.

Aðalsteinn var í ritstjórn fréttaskýringaþáttarins Kveiks og kom að umfjöllun mála á borð við Samherjamálið og ProCar-málið.

Seinustu orð færslu Aðalsteins gáfu í skyn að hann væri þó alls ekki hættur í fjölmiðlum og tilkynnti Stundin í dag að hann myndi hefja störf þar í næstu viku. Ritstjórar Stundarinnar eru þau Ingibjörg Dögg Kjartansdóttir og Jón Trausti Reynisson.