fbpx
Mánudagur 12.apríl 2021
Fréttir

Jarðskjálftarnir hér á landi vekja athygli erlendis – Tala um Eyjafjallajökul

Máni Snær Þorláksson
Miðvikudaginn 24. febrúar 2021 12:13

Mynd/Samsett

Ekki missa af Helstu tíðindum dagsins í pósthólfið þitt

Lesa nánar

Stór jarðskjálfti fannst á höfuðborgarsvæðinu nú laust fyrir klukkan 10. Fyrsti skjálftinn var af stærðinni 5,4 en honum fylgdu síðan margir eftirskjálftar, sumir þeirra voru í kringum sama styrkleika. Jarðskjálftarnir hafa nú vakið athygli í fjölmiðlum erlendis.

Fólk í Hafnarfirði, Grafarvogi, Árbæ, Kópavogi og víðar hefur greint frá því að hafa fundið fyrir skjálftanum. „Allar hurðarnar fóru á fleygiferð og kötturinn hljóp undir rúm,“ sagði til dæmis einn íbúi sem DV ræddi við sem staðsettur er á Reykjanesinu.

Ljóst er að jarðskjálftarnir hafa vakið töluverða athygli í fjölmiðlum erlendis. Aftenposten og ABC Nyheter í Noregi, Daily Express í Bretlandi og India.com í Indlandi eru á meðal erlendra fjölmiðla sem hafa fjallað um jarðskjálftann. Daily Express bendir á í sinni frétt að jarðskjálftar hér á landi séu oft minniháttar en að þó sé alltaf möguleiki á eldgosi.

Þá minnist blaðamaður Daily Express eldgossins í Eyjafjallajökli. Það gos varð heimsfrægt á afar skömmum tíma þar sem það hafði talsverð áhrif á flugumferð í kringum Evrópu í um þrjá mánuði. Svo virðist vera sem blaðamaðurinn hafi einhverjar áhyggjur af því að eldgos gæti komið upp hér á landi.

Miðað við nýjustu upplýsingar er það þó líklega ekki raunin. „Þetta er náttúrulega eldvirkt svæði en við sjáum engan gosóróa eins og er,“ sagði Sigríður Magna Óskarsdóttir náttúruvársérfræðingur í samtali við DV um jarðskjálftana.

Lesa meira: „Við sjáum engan gosóróa eins og er,“ segir náttúruvársérfræðingur hjá Veðurstofu

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Það vinsælasta í vikunni – Mest lesnu fréttir DV.is

Það vinsælasta í vikunni – Mest lesnu fréttir DV.is
Fréttir
Fyrir 2 dögum

Hjálpaðu Sigmundi Davíð að finna rétta Icesave óskalagið hjá Sigga Hlö

Hjálpaðu Sigmundi Davíð að finna rétta Icesave óskalagið hjá Sigga Hlö
Fréttir
Fyrir 2 dögum

Mummi er svellkaldur sveitastrákur – Ég þekkti engan hinsegin þegar ég var að alast upp

Mummi er svellkaldur sveitastrákur – Ég þekkti engan hinsegin þegar ég var að alast upp
Fréttir
Fyrir 2 dögum

Enn klofnar jörð á Reykjanesi – Fjórða gossprungan opnaðist í nótt

Enn klofnar jörð á Reykjanesi – Fjórða gossprungan opnaðist í nótt