Tomasz Majewski, sem missti eiginkonu sína og ungt barn, eftir slysið í Skötufirði í Ísfjarðardjúpi, þegar bíll fólksins lenti í sjónum, vill ásamt fjölskyldu sinni koma þakklæti á framfæri til vegfarenda sem komu fyrstir vettvang slyssins, til allra viðbragðsaðila sem voru kallaðir út og til starfsfólks á Landspítala. Einnig þakkar fólkið þann samhug sem almenningur hefur sýnt við fráfall Kamilu Majewski, eiginkonunnar, og litla drengsins Mikolaj. Fjölskyldan var búsett á Flateyri og slysið varð á leið hjónanna þangað frá Keflavíkurflugvelli.
Kveðjan er send í gegnum Lögregluna á Vestjförðum sem birti eftirfarandi tilkynning:
„Lögreglan var beðin um að koma eftirfarandi kveðju á framfæri við þá vegfarendur sem komu fyrstir á vettvang, sem og alla viðbragðsaðila, þegar banaslysið varð í Skötufirði laugardaginn 16. janúar sl. Kveðjan er svohljóðandi:
Tomasz Majewski og fjölskylda hans vilja koma á framfæri kæru þakklæti til vegfarenda sem voru fyrstir á vettvang í Skötufirði s.l. laugardag og til allra viðbragðsaðila sem kallaðir voru til auk starfsfólks Landspítalans.
Sömuleiðis þakka þau fyrir þann mikla samhug sem þau hafa fundið undanfarna daga við fráfall Kamilu og Mikolaj.“
