Skiptum á þrotabúi Sæmundar í sparifötunum ehf. er nú lokið og hafa verið auglýst í Lögbirtingablaðinu. Lýstar kröfur námu rúmum 47 milljónum.
Samkvæmt ársreikningi félagsins sem skilað var inn árið 2019 fyrir rekstrarárið 2018, sem jafnframt er síðasti ársreikningur sem skilað var inn, var Halla Sigrún Hjartardóttir skráður eini stjórnarmaður félagsins. Í samtali við DV sagði Halla gjaldþrotið tengt Covid. „Við þurftum að loka hostelinu í mars og það var meira en Sæmundur í sparifötunum ehf. réði við.“ Aðspurð hvort 47 milljóna kröfur á bar og veitingastað sé ekki há upphæð svarar hún: „Þetta var bara staðan eins og hún var. Kannski var þetta uppsafnaður vandi.“ Hún segir Kex Hostel, eiganda Sæmundar í sparifötunum ehf., þó lifa áfram. „Kex hostel lifir enn, en hostelið er lokað. Við vonumst til þess að geta opnað aftur um leið og aðstæður leyfa. Við vonum bara eins og allir aðrir að sumarið verði gott.“
Eigendur Kex Hostel eru svo, samkvæmt síðasta ársreikningi félagsins:
Auður Björg Jónsdóttir, lögmaður og skiptastjóri þrotabús Sæmundar í sparifötunum ehf., segir ekkert hafa fengist upp í kröfur við skiptin annað en smáræði upp í kostnaðinn við skiptin sjálf.
Halla sagði jafnframt óljóst hvernig framhaldið yrði með rekstur veitingastaðar á hostelinu þegar allt færi af stað aftur. Þegar Kex Hostel opnaði var hostel barinn á Kex Hostel einn sá allra vinsælasti í bænum.
