Björgunasveitir voru kallaðar út klukkan fimm í dag vegna slyss í Esjunni. Þetta kemur frma í tilkynningu frá Landsbjörg.

„Klukkan fimm í dag voru björgunarsveitir kallaðar út í annað skiptið í dag vegna slyss í Esjunni. Slysið átti sér stað ofarlega á gönguleiðinni á Kerhólakamb þegar kona sem var á göngu á fjallinu hrasaði, rann og slasaðist á fæti. Hún getur ekki gengið að sjálfsdáðum og því voru björgunarsveitir, sjúkraflutningamenn og þyrla Landhelgisgæslunar kölluð út til að koma konunni niður af fjallinu.

Þyrla er komin á vettvang og nokkrir hópar björgunarsveitarfólks eru klárir við fjallið.“