Maðurinn tók myndböndin á meðan lögregla veitti honum og félaga hans eftirför. Samkvæmt heimildum DV er um að ræða atvik sem átti sér stað síðastliðinn föstudag, 23. júlí. Fjölmiðlar greindu þá frá því að bíl hefði verið veitt eftirför af lögreglu frá Árbæ, í gegn um Grafarvog og Mosfellsbæ, og síðan endað rétt hjá Kjalarnesi þar sem sérsveitin neyddi bílinn út af veginum.
Eftir að hafa þvingað bílinn af veginum handtók lögregla mennina tvo, en þeir eru grunaðir um um líkamsárás, akstur undir áhrifum vímuefna, umferðarlagabrot og fleira.
Annað myndbandið er töluvert styttra, en það ber yfirskriftina: „Menn helv hressir í þessum bílaeltingaleik á Kjalarnesi“. Í myndbandinu má heyra í lögreglusírenum og þá gefur annar mannana til kynna að eftirförin sé búin að standa yfir í hálftíma.
Í hinu myndbandinu lætur blóðugur maðurinn gamminn geisa: „Svona virkar fokking [XXX], ræðst á mig og eyðileggur bílinn minn. Ha sjáiði! Löggan er að elta okkur,“ segir hann og hefur síðan upp fagnaðaróp. Hann heldur svo áfram: „Lúbarinn, bíllinn minn er ónýtur. Mig langar að þakka [XXX] rosalega mikið fyrir þetta. Takk [XXX]. Ég er allur útúrskallaður og ég er að fara að kæra þig.“
Í kjölfarið heyrist hinn bílstjórinn minnast á að lögreglan sé að elta þá og þá byrjar hinn aftur: „Löggan er að elta okkur á fullu. Ég var kýldur með hnúajárni.“ Og öskrar svo í tvígang „shit!“. Þá má heyra bílstjórann hvetja hann til að halda upptökunni gangandi þar sem lögreglan sé að elta þá.
Um er að ræða myndbönd sem eru að öllum líkindum tekin stuttu áður en lögreglan þvingaði bíl mannana af veginum. Af þeim að dæma er sá sem tekur þau upp í ansi annarlegu ástandi og nokkuð illa slasaður. Eftir að hafa verið þvingaðir af veginum voru mennirnir handteknir og vistaðir í fangageymslu lögreglu.
Lögreglan að elta.mov from Ritstjórn DV on Vimeo.
