Blásið hefur um Eið Smára síðan í gær þegar DV birti fréttir af myndbandi sem náðist af fótboltakappanum losa þvag á Ingólfstorgi. Eiður er á myndbandinu sjáanlega ölvaður og var samkvæmt heimildum DV að skemmta sér fyrr um kvöldið á Vinnustofu Kjarvals. Þá birti Morgunblaðið frétt þar sem fram kom að starf Eiðs Smára hengi á bláþræði.

DV fjallaði um í morgun að miklar og heitar umræður hefðu spunnist um málið á samfélagsmiðlum og virtist fólk skiptast í tvær fylkingar. Annars vegar sú sem segir að rangt hafi verið af Eiði að láta góma sig í þessu ástandi í miðbænum, og hins vegar sú sem spyr hvort menn megi ekki stundum sýna sínar mannlegu hliðar.

Spurði DV þá um leið hvað lesandanum þætti um málið. Könnunina má sjá hér.

Nú hefur þjóðin talað.

Niðurstöðurnar eru afgerandi. Ljóst er að þjóðin sýnir hér sínar miskunnsömustu hliðar, og ef könnun DV nær inn á borð KSÍ er ljóst að Eiður mun eiga sér langan feril framundan sem hluti af þjálfarateymi landliðs Íslendinga í fótbolta.