Einn var fluttur á bráðamóttöku á öðrum tímanum í nótt með stunguáverka og einn var handtekinn vegna málsins.

Þetta kemur fram í Dagbók lögreglunnar. Einnig kemur fram að annar maður hafi verið handtekinn vegna annars líkamsárásarmáls. Tilkynnt var um þriðju líkamsárásina en gerandinn var farinn af vettvangi þegar lögreglan kom. Vitað er hver hann er.

Ölvuðum manni var vísað út af hóteli í miðborginni í gærkvöldi. Tveir ökumenn voru handteknir í gærkvöldi og nótt grunaðir um að vera undir áhrifum áfengis eða fíkniefna. Annar reyndist vera sviptur ökuréttindum.