fbpx
Laugardagur 29.nóvember 2025
Fréttir

Hjálpaðu Sigmundi Davíð að finna rétta Icesave óskalagið hjá Sigga Hlö

Heimir Hannesson
Laugardaginn 10. apríl 2021 14:30

Ekki missa af Helstu tíðindum dagsins í pósthólfið þitt

Lesa nánar

Tíu ár voru í gær liðin frá seinni atkvæðagreiðslunni um Icesave samninginn svokallaða, en hún fór fram 9. apríl árið 2011. Niðurstöðurnar urðu ekki jafn afgerandi eins og í fyrri atkvæðagreiðslunni sem fram fór árið 2010, en kjörsókn var þó ívið hærri. Árið 2010 sögðu 93,2% kjósenda nei við samningnum og kjörsókn var 63% tæp.

Ári síðar, kusu 75% landsmanna og sögðu rétt tæp 59% nei.

Sigmundur Davíð Gunnlaugsson, þáverandi formaður Framsóknarflokksins, barðist hatrammlega gegn samþykkt samningsins og fagnaði ákaft sigri þegar samningarnir tveir voru felldir.

Á þessum tímamótum er því ekki úr vegi fyrir hann að fagna en í Facebook færslu um málið í gær segist hann ætla að gera sér glaðan dag og biðja um óskalag hjá Sigga Hlö á Bylgjunni í dag. Eina vandamálið: Hann veit ekki hvaða lag hann á að biðja um.

Sigmundur skrifar:

Til hamingju með daginn afmælisbörn! … og allir hinir. Í dag eru 10 ár liðin frá seinni þjóðaratkvæðagreiðslunni um Icesave. E.t.v. bið ég um óskalag hjá Sigga Hlö á morgun í tilefni afmælisins. Vantar bara rétta lagið.

Ljóst er að afmælisfögnuður Sigmundar hefur vakið mikla lukku því rúm 400 manns hafa ýmist líkað við færslu Sigmundar eða svarað færslunni.

Fjölmörgum hugmyndum hefur þegar verið varpað fram. Má í því samhengi til dæmis nefna, Keep on Rocking in the Free World með Neil Young, We are the Champions með Queen, We’re Not Gonna Take It með Twisted Sister, Born to be Wild og Money Money Money með Abba.

Einn tónlistarspekúlantinn vildi svo sjá lagið You’re the Best, úr myndinni Karate Kid.

Enn aðrir vilja fara í ögn þjóðlegri búning og leggja til lögin Vegir liggja til allra átta, Stolt siglir fleyið mitt og „Þú komst í hlaðið á hvítum hesti.“

Enn hefur vinningstillagan ekki verið valin, og býðst lesendum DV að leggja sitt á vogarskálarnar í „commenti“ hér að neðan. Tillögum verður svo komið skilmerkilega til skila til Sigmundar áður en Siggi Hlö fer í loftið klukkan 16:00 í dag.

Færslu Sigmundar má sjá í heild sinni hér að neðan.

https://www.facebook.com/sigmundurdavidgunnlaugsson/posts/1840048946158146

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Gæti snjóað mikið á höfuðborgarsvæðinu á morgun

Gæti snjóað mikið á höfuðborgarsvæðinu á morgun
Fréttir
Í gær

Segir margt benda til þess að fólk misnoti veikindaréttinn

Segir margt benda til þess að fólk misnoti veikindaréttinn
Fréttir
Fyrir 2 dögum

Þrálátur kvilli sagður tengjast vinsælum megrunarlyfjum

Þrálátur kvilli sagður tengjast vinsælum megrunarlyfjum
Fréttir
Fyrir 2 dögum

Segja brotið á rithöfundum í fjárlagafrumvarpinu

Segja brotið á rithöfundum í fjárlagafrumvarpinu
Fréttir
Fyrir 2 dögum

Árni var ranglega sakaður um svívirðilegan glæp – „Hrein samviska var áttavitinn minn“

Árni var ranglega sakaður um svívirðilegan glæp – „Hrein samviska var áttavitinn minn“
Fréttir
Fyrir 2 dögum

Dagur sendir Sjálfstæðisflokknum eitraða pillu: „Línan fengin frá Mogganum og kampavínshlaðvörpum af hægri kantinum“

Dagur sendir Sjálfstæðisflokknum eitraða pillu: „Línan fengin frá Mogganum og kampavínshlaðvörpum af hægri kantinum“