Öflugur skjálfti, 5,2 að stærð reið yfir suðvesturhornið klukkan 8:07 og fannst hann víða um land. Vöknuðu þó nokkrir við skjálftann sem fannst vel á höfuðborgarsvæðinu. Samkvæmt tilkynningu frá veðurstofunni fannst sá skjálfti austur að Skógum undir Eyjafjöllum og norður að Hvanneyri.
Jarðskjálftinn átti upptök sín um 2,9 kílómetra norðaustur af Fagradalsfjalli og hefur fjöldi eftirskjálfta mælst.
Á milli miðnættis og klukkan fimm í nótt mældust yfir 500 skjálftar á svæðinu og voru tveir þeirra um og yfir 3,0 á stærð. Stærri skjálftinn mældist 3,8 klukkan hálf þrjú í nótt og hinn 3,7 um korter yfir fjögur.
Jarðvísindamenn fylgjast nú grannt með svæðinu á milli Fagradalsfjalls og Krýsuvíkur. Í færslu Eldfjallafræði og náttúruvárhóps Háskóla Íslands á Facebook í gærkvöldi sagði að útreikningum á hraunflæðilíkana vegna hugsanlegs eldgoss á svæðinu væri nú lokið og virðist allt benda til þess, að kæmi til goss yrði hraunflæðið að mestu staðbundið við svæðið. Sjá má kortið sem hópurinn birti með spá sinni hér að neðan.
https://www.facebook.com/Natturuva/posts/2849079898639432
Sjá nánar: Þetta áttu að gera í jarðskjálfta – Sjáðu ráðleggingar Almannavarna
